Aicí dessota la còpia d’un mel de la seccion regionala de l’IEO-PACA / programa interregionau GeoOccitania.
*****
Adieu-siatz,
GeoOccitania, lo programa interregionau de l’Institut d’Estudis Occitans dedicat ai noms de luòcs occitans, es passat de la version pilòta a la version de produccion. Grandmercé en totei qu’an assajat la version pilòta e nos an mandat sei remarcas.
GeoOccitania persiègue lo trabalh de collècta e de cartografia començat per l’IEO en 2007 amb la Mapa Occitana.
Lo Portau permet de cercar lei noms occitans, d’explorar la mapa e d’escotar lei prononciacions ja reculhidas. L’apli permet d’ajustar un nom occitan dins OpenStreetMap e d’enregistrar sa prononciacion.
Vos convidam a faire conóisser GeoOccitania dins vòstrei seccions e associacions. Estampatz leis afichas jonchas e mostratz-lei dins vòstrei locaus e manifestacions. Escampatz l’informacion dins vòstrei bulletins, letras e malhums sociaus. Emplegatz lo Portau e l’apli dins vòstrei activitats e ajudatz lei benevòles a se formar per acompanhar de contribucions nòvas.
Prepausam tanben una conferéncia-formacion dins vòstre territòri, amb una presentacion dau programa e un obrador practic sus de noms de luòcs que conoissètz. Per aculhir una sesilha, respondètz a aquest corrier amb lo luòc, lo nombre aproximatiu de participants e doas datas possiblas.
Coralament,
Seccion regionala de l’IEO-PACA / Programa interregionau GeoOccitania ( ieopaca@orange.fr )
